Anëtari i kryesisë së PD, Gent Strazimiri ka reaguar pasi flamuri komunist u shfaq në festivalin e Sunny Hill në Tiranë mbrëmjen e djeshme.
Sipas tij, Shqipëria qeveriset nga njerëzit e gabuar, që janë nostalgjikë të Stalinit dhe aleatë të Vuçiçit. Strazimiri shkruan se në këtë vend ka ende njerëz që shpalosin krenarë simbolin stalinist, nën të cilin u vranë më shumë shqiptarë, patriotë pro-amerikanë, nga sa vrau Milosheviçi në Kosovë.
Reagimi:
Ky vend qeveriset nga #ërong_guys , nostalgjikët e Stalinit dhe “Bashkimit të madh Sovjetik”, atij, që po përpiqet të rikthejë me zjarr dhe hekur Vladimir Putin…
Ky vend qeveriset nga #ërong_guys, aleatët e Aleksandër Vuçiç, zgjatimit të Putinit në Ballkan, të cilin NATO e paralajmëroi të mos tentojë të “ukrainizojë” kufirin me Kosovën, sepse reagimi do të ishte punë minutash…
Ky vend qeveriset nga #ërong_guys, që ende shpalosin krenarë simbolin stalinist, nën të cilin u vranë më shumë shqiptarë, patriotë pro-amerikanë, nga ç’vrau, e la pa varr Milosheviçi në Kosovë…
Ky vend është njëkohësisht edhe vend anëtar i NATO-s…(?!)
Në këtë vendin e përshkruar më sipër, edhe NATO dhe interesat euro-atlantike janë jetime… sepse ata që paguhen për t’i mbrojtur, janë “me pushime”…
KAQ!
