“Flama” është romani i katërt i autorit (Enkel Demi) që shkruan me pseudonimin Tom Kuka, pas “Hide mbi kalldrëm” (2017), “Gurët e vetmisë” (2018), “Ora e ligë” (2019), të gjitha të botuara nga Botime Pegi.
I ftuar në emisionin Atv të moderatores Adelina Hasanin, Tom Kuka ose Kel Demi tha se ky roman u krijua në muajt e karantinës së vitit të shkuar, por nuk lidhet aspak me atë situatë, por me Tiranën e para 1 shekulli.
Me “Flamën”, Tom Kuka shprehet se ka dashur të sjell atë çka ne jemi dhe atë ç’ka përfaqësojnë rrënjët tona, identitetin tonë.
Gjithashtu ai tha se promovimi i librit “Flama” do të bëhet në Prishtinë, fill pas zgjedhjeve në Shqipëri dhe sapo të lirohen sado pak masat anti-covid.
“Që kur kam shkruajtur librin e parë, Toma ose Tom Kuka është përsonazhi im i hershëm i letërsisë time që në vitet 90 dhe nuk hoqa dorë prej tij. Kur botova librin tim të parë unë nuk doja të dilja me emrin tim, si një figurë që bëj television edhe Radio, pasi njerzit kanë shije të ndryshme për personazhet publike, shpesh herë krijojnë edhe ide të gabuara. Imazhi që ne krijojmë në television, mund të jet i rrem dhe unë nuk doja të rrezikoja lexuesin nëpërmjet Enkelit, sepse do thonin:- “Ja bëri libër edhe ky.”. Kështu që vendosa të dal me emër tjetër. Ky është i vetmi personazh që unë e kam në të gjitha librat. Ky është emri im i shkrimtarisë edhe nuk po e ndërroj më.
Shqiptarët po ti vësh re sot e kanë shumë të vështirë të përfaqësohen si identitete diku sepse ne jemi shume dimensional, multitask shumë të zotët për të rrëmbyër identitetet e të tjerëve. Një shqiptarë i Shqipërisë sot mund të jetë shumë lehtë sot i paraqitshëm si një Italian, gjerman ose një i Kosovës si anglosanksion dhe amerikanë, por shumë rrallë në përfaqësohemi si shqiptarë. Nëpërmjet këtij libri unë dua të them atë ç’ka ne jemi dhe atë ç’ka përfaqësojnë rrënjët tona.
Kam vendosur që fill pas zgjedhjeve në Shqipëri dhe sapo të lirohen sado pak masat anti-covid, do të vij në Prishtinë dhe do të jetë promovimi im i parë publik që unë do bëjë për librin “Flama”, dhe dua ta bëjë qytetin e Tiranës në Prishtinë, sepse ky është kryeqyteti tjetër i vendit tim dhe mendoj se i përkas këtij qyteti sa i përkas edhe Tiranës”, u shpreh Tom Kuka.
