Dhe pse kanë disa muaj të ndarë, Fjolla Morina vazhdon ende të hedhë kunja në rrjetet sociale ndaj ish-bashkëshortit të saj Fisnik Syla. Disa ditë më parë ai duket se iu kundërpërgjigj thumbave të ish- partneres teksa u shpreh:
“Paskan filluar “këngëtaret” të na bëhen psikologe?! Njerëzit e zgjuar kur e shohin se dikush i paska dasht vetëm për interes, ikin pa bërë zhurmë. Zhurmën e bën më vonë mungesa e tyre.”
Këngëtarja dhe pse nuk e la pa iu kundërpërgjigjur në rrjetet sociale duket se nuk po i del ende inati me biznesmenin dhe ka reaguar mjaft e revoltuar nëpërmjet disa postimeve në InstaStory ku shprehet se ‘personat të cilët duhet të flasin nuk flasin dhe ata që duhet të mos flasin, flasin’.
“Problemi kryesor është se: Ai që duhet të flasi nuk flet, ndërsa ai që duhet ta mbylli gojën flet”, shkroi këngëtarja ku menjëherë ka ardhur dhe postimi tjetër teksa thumbon meshkujt që depilohen:
“Ata meshkuj që depilohen, i heqin vetullat, e meritojnë dhe ciklin menstrual”.
Kujtojmë se Fjolla i dha fund martesës së saj me biznesmenin para disa muajsh. Ishte ky i fundit ai që konfirmoi ndarjen e tyre përmes një postimi në llogarinë e tij në Instagram duke e cilësuar veten si një zog i lirë. Syla ka zbuluar gjithçka në lidhje me ndarjen nga Fjolla, duke i dhënë fund njëherë e mirë kësaj historie.
