Lidhja me Fjolla Morinën e bëri atë një personazh mjaft të komentuar në mediat rozë. U kuptua besoj se po flasim për Fisnik Sylën. Ndarja e tyre ishte ajo që bëri akoma më shumë bujë, ndonëse asnjëri prej tyre nuk foli publikisht për arsyet që i çuan në këtë vendim. Por, si pas çdo ngjarje të tillë, thumbat e herë pas hershëm nga secili nuk munguan në rrjetet sociale.
Së fundmi, Fisniku ka postuar një video në TikTok ku duket në një klub nate, nën shoqërinë e disa vajzave. Interesant ishte përshkrimi që i kishte bërë videos në fjalë: “E bukur është si ruse.” Si një “zog i lirë”, sigurisht, që mendja të shkon tek ndonjë dedikim për një vajzë në veçanti.
Dhe siç duket kështu është, Fisniku nuk është më single. I kontaktuar nga “Indeksonline”, biznesmeni u shpreh se vajza me të cilën është në lidhje është e njohur për publikun. “Është një vajzë e showbiz-it, por që identiteti i saj preferoj të mbetet sekret edhe për pak kohë.” Kjo deklaratë e tij vjen fill pas story-t që ndau Fjolla Morina , ku dukej në spital duke marrë serum.
Nuk dihet arsyeja që këngëtarja ka përfunduar në spital, pasi i vetmi informacion që ajo ndau ishte “Jam sëmurë.”
https://www.tiktok.com/@fisnik_syla/video/7153271149739150598?embed_source=null_null_null&is_copy_url=1&is_from_webapp=v1&refer=embed&referer_url=www.syri.net%2Fjete-stil%2F539402%2Ffjolla-ne-spital-fisniku-konfirmon-lidhjen-e-re-me-vajzen-e-showbiz-it%2F&referer_video_id=7153271149739150598
