Kryetarja e komisionit parlamentar për Edukimin dhe Mjetet e Informimit Publik, anëtare e kryesisë së Partisë demokratike, Albana Vokshi e ftuar në studion e Zërit të Amerikës ka folur mbi zhvillimet e fundit politike në Shqipëri.
Në lidhje me dokumentat që kanë dal në media ku pretendohet se Partia Demokratike ka paguar një shifër prej 675 mijë dollarësh për lobim në SHBA, Vokshi u shpreh se e gjitha është një fake news (lajm i rremë).
“Nuk kam çfarë të shtoi, përveç deklaratave publike që ka bërë Partia Demokratike, zyrtarisht që është një fake news (lajm i rremë), dhe është i paguar, sponsorizuar direkt nga kryeministri i vendit Edi Rama, për të mbuluar skandalet e një pas njëshme dhe lidhjet e familjarëve të tij me trafikun e drogës. Është një fake news (lajm i rremë) edhe për diçka tjetër sepse nuk ka anjë fakt real dhe Partia Demokratike e ka bërë të qartë që nuk ka pasur dhe nuk ka asnjë lidhje as me individë e as me kompani ruse. Çdo pagesë e Partia Demokratike janë bërë publike dhe janë dorëzuar në KQZ.“, ka deklaruar deputetja e Partisë Demokratike Albana Vokshi.
https://www.zeriamerikes.com/a/4286237.html#player-start-time=39.381032
