Për raportin e SHBA mbi financimin rus të fushatës së PD në zgjedhjet e 2017-ës, ka reaguar edhe deputeti i Partisë Socialiste, Erion Braçe. Braçe thotë se ky raport nuk është thashethem, ashtu siç edhe pretendoi Gazment Bardhi, por vjen nga një burim i Inteligjencës amerikane.
Sipas tij, PD nuk e shpëtojnë dot as sulmet e Sali Berishës kundër Bashës dhe as mbrojtja e Bashës nga sulmet e Berishës. Ai sqaron më tej se në 2017 Sali Berisha dhe Lulzim Basha kanë qenë aq bashkë sa këmbenin emrat e mbiemrat me njëri tjetrin.
“PARTIA DEMOKRATIKE, KA MARRE PARA NGA RUSIA, NE ZGJEDHJE E PER TE ARDHUR NE PUSHTET! Nuk është me thashethem, por burim i INTELIGJENCES AMERIKANE ne kuadër të një hetimi te gjere, cituar dje nga nje zyrtar i Departamentit te Shtetit. UNE MENDOJ SE PAS KESAJ, PD NUK KA ME GJUNJE PER TE QENDRUAR NE KEMBE! Nuk e shpetojne dot as sulmet e Sali Berishes kunder Bashes e as mbrojtja e Bashes nga sulmet e Berishes me kete fakt, permes drejtesise se vjeter e te korruptuar; zero! Ne 2017-ten kane qene aq bashke sa Lulzim Basha e Sali Berisha kembenin emrat e mbiemrat me njeri tjetrin, njerezit-mes tyre edhe familjare ne udheheqje; thuajse Babe e Bir politikisht! ISHIN NJE!” – shkruan Braçe.
