Juventusi dhe Napoli përballen mbrëmjen e sotme në finalen e Kupës së Italisë, ndërkohë që trajnerët Maurizio Sarri dhe Gennaro Gattuso kanë menduar edhe se si do t’i rreshtojnë skuadrat në fushën e blertë. Kjo përballje zhvillohet prej orës 21:00 në “Olimpico” të Romës.
Napoli do të ketë gati Kosta Manolas. Gjithsesi greku me gjasa e nis nga stoli dhe sërish pritet të luajnë Maksimovic e Koulibaluy. Gattuso në portë do të hedhë Meret kësaj here, pasi Ospina u fajësua për golin e pësuar me Interin. Ndërkohë që një dilemë për trajnerin e Napolit është aktivizimi i Politano nga fillimi dhe lojtari që do të luajë në të majtë të mbrojtjes, me Hysaj dhe Mario Rui na balotazh.
Te Juventusi gjithashtu ka dilema, me Pjanic dhe Douglas Costa që janë në dyshim ta nisin nga fillimi. Nëse ndodh që luajnë, atëherë Cuadrado spostohet si mbrojtës i djathtë në vend të Danilo. Në sulm Ronaldo do ta ketë sërish në krah argjentinasin Dybala, ndërkohë që Buffon shpreson ta fitojë këtë trofe sonte dhe të vendosë një rekord.
NAPOLI (4-3-3): Meret; Di Lorenzo, Maksimovic, Koulibaly, Mario Rui (HYSAJ); Fabian Ruiz, Demme, Zielinski; Politano, Mertens, Insigne
JUVENTUS (4-3-3): Buffon; Cuadrado, De Ligt, Bonucci, Alex Sandro; Bentancur, Pjanic, Matuidi; Douglas Costa, Cristiano Ronaldo, Dybala.
