Këngëtari i njohur amerikan, Lenny Kravitz duket se është mahnitur nga muzika e prodhuar e çiftelisë, e cila njihet si një vegël muzikore kordofone e Shqipërisë dhe Malit të Zi Jugor.
Vetë këngëtari ka postuar një video në Instagram ku shihet teksa duartroket muzikën e luajtur në çifteli nga një i moshuar maqedonas dhe duke shijuar performancën e disa fëmijëve të vegjël të ulur në rrugë, të cilët po i binin darabukut.
“Shkup, Pazari i Vjetër. Dita më e bukur, duke takuar njerëz të bukur”-ka shkruar këngëtari krahas videos së publikuar.
Kravitz, nga muaji mars ka filluar turneun e tij europian të koncerteve, ndërsa sot pritet të performojë në Shkup.
https://www.instagram.com/p/Bw9vz-EDuqg/?utm_source=ig_embed&utm_campaign=embed_video_watch_again
