Ministri i Shëndetësisë në Maqedoninë e Veriut, Venko Filipçe tha se ekspertët e imunizimit po përgatisin heqjen e lejes për hyrje në restorante dhe ngjarje të tjera për personat që kanë marrë vetëm një dozë të vaksinës nga koronavirusi.
“Hyrja do të lejohet vetëm për personat që janë vaksinuar plotësisht. Qëllimi i ashpërsimit të masës është që sa më shumë qytetarë të vaksinohen”, tha Filipçe. Ai shtoi se ekspertët kanë takime pune dhe se për një muaj do të lihet afat në mënyrë që qytetarët të imunizohen plotësisht.
Masa që vetëm të vaksinuarit me të paktën një dozë të mund të hynë në kafene hyri në fuqi më 16 gusht.
