Gjatë inspektimit të punimet në qytetin e Fierit, Ministrja e Zhvillimit Urban, Eglantina Gjermeni pohoi se larmia e projekteve është shumë e gjerë dhe rrugët kanë shumë komponentë.
“Ne po inspektojmë një rrugë që ka kanalizimin, gjelbërimin, ndriçimin, fasadat, ndërkohë që më tutje është një projekt tjetër tregu. Dje kemi marrë vendime për të mbështetur 33 projekte të reja në të gjithë Shqipërinë. Një prej të cilëve përfitues është bashkia Fier”, tha Gjermeni.
E shoqëruar nga kryebashkiaku i Fierit Armando Subashi, ministrja Gjermeni, vijoi me inspektimin në çdo zonë të qytetit myzeqar, ku punohet me projektet e qeverisë.
