Arrestohet në flagrancë autori
Tre të rinj janë plagosur me kaçavidë nga një 29- vjeçar, ku njëri prej të plagosurve ka marrë plagë të rënda dhe ndodhet në spital.
Ngjarja ka ndodhur në qytetin e Fierit, ndërsa policia ka bërë të mundur arrestimin në flagrancë të 29-vjeçarit Reni Hasanaj.
Sipas policisë bëhet e ditur se 29-vjeçari për motive të dobëta, ka plagosur rëndë me kaçavidë shtetasin K.K, 20 vjeç, banues në Ballsh, ka plagosur lehtë shtetasit A.A, 25 vjeç, dhe K.A, 23 vjeç (vëllezër), banues në fshatin Belishovë, Mallakastër.
Materialet i kaluan Prokurorisë pranë Gjykatës së Shkallës së Parë Fier për veprën penale “Plagosje e rëndë me dashje” parashikuar nga Neni 88 i Kodit Penal.
