Bota bëhet automatikisht një vend më i bukur kur sa më shumë njerëz që e banojnë flasin shqip, mbi të gjitha kur këta janë fëmijë shqiptarë. Ndërsa edhe në Shqipëri gjuha është përherë e më tepër në detin e hapur të dallgëve të fjalëve të huazuara edhe më e vështirë bëhet që fëmijve shqiptarë nëpër botë t’u përcillet shqipja.
Por përpjekjet nuk mungojnë. Shkolla Shqipe “Ura” në Novara, Piemonte të Italisë, ka përfunduar mësimdhënien për këtë vit shkollor duke u dhënë në fund dëftesën të gjithë nxënësve shqiptarë.
Vogëlushët shqiptarë prej shumë javësh kanë anashkaluar lojëra e aktivitetete të tjera për t’i përkushtuar disa orë shqipes dhe tashmë ata janë më të pasur dhe më të afërt me gjuhën nënë.
