Faruk Ozer, shtetasi turk i cili kreu mashtrimin më të madh ekonomikë në historinë e Turqisë, duke u larguar së bashku me 2 miliardë dollarë të përfituara nga kripto-monedhat, gjendet ende në Shqipëri.
Ndërkohë hetimet ndaj tij kanë vijuar në Turqi dhe prokuroria turke ka marrë vendimin për sekuestrimin e pasurisë së tij prej 30 milionë lirash në llogarinë e tij bankare.
Ndërkohë autoritetet turke kërkojnë që të bëhet arrestimi i tij në Shqipëri dhe më pas të ekstradohet për t’u gjykuar në Turqi.
Kujtojmë se Faruk Ozer, kërkohej prej kohësh nga turqit, ndërsa prej disa muajsh u zbulua se ishte arratisur dhe fshehur në Shqipëri, konkretisht në një hotel në Tiranë pranë zonës së Zogut të Zi apo 21 Dhjetorit.
