4 anëtarë të një familje në Vlorë kanë rezultuar pozitiv me COVID-19. Raportohet se mjekët e Vlorës kanë vendosur që t’i dërgojnë qytetarët në drejtim të Tiranës për shkak të simptomave që kanë shfaqur dhe për një trajtim më të specializuar.
Familjarët që tashmë janë në Spitalin e Infektivit janë gjyshja 77-vjeçe, çifti 69 dhe 50 vjeç dhe djali i tyre 24-vjeç. Djali tjetër i tyre ka ardhur nga Bergamo, aktualisht ndodhet jashtë shtetit, ai nuk ka shfaqur problematikë apo simptoma dyshuese të COVID-19.
Gjithashtu është mësuar se kryefamiljari punonte si shitës ambulant. Banorët kanë shprehur edhe shqetësimin e tyre për rastin në fjalë. “Është shoku jonë, e kemi pasur shumë pranë. Thonë se janë infektuar si familje”, u shpreh një nga qytetar.
“Jemi shumë të frikësuar, i kemi pasur shumë afër. Është tmerr kjo që po dëgjojmë, nuk është shaka”, tha një tjetër qytetar.
