Një aksident automobilistik ka ndodhur sot në qytetin e Burrelit ku si pasojë e motit të keq një makinë ka dalë nga rruga dhe ka përfunduar liqenin e Shkopetit.
Në makinën tip “Benz” ndodheshin 5 anëtarët e familjes Shehu nga Bulqiza. Sipas të dhënave të para mësohet se një nga anëtarët e familjes Shehu ndodhet në gjendje të rëndë ndërsa katër të tjerët në gjendje të mirë shëndetësore.
Policia ka mbërritur në vendngjarje dhe ka bërë të mundur nxjerrjen e të aksidentuarve nga liqeni. Dyshohet se shkak i aksidentit ka qenë lagështira dhe rrëshqitja e gurëve në rrugë.
