Gjykata e Tiranës ka shpallur fajtor ish gjyqtarin e Gjykatës së Lartë Admir Thanza duke e dënuar me 9 muaj burg për “Falsifikim të formularëve”. Ish gjyqtari nuk do të vuajë dënimin në qeli, pasi Gjykata vendosi 18 muaj në Shërbim Prove për gjyqtarin Thanza.
Ndaj ish-gjyqtarit të karrierës i nxjerrë përfundimisht jashtë radhëve të sistemit me vendim të institucioneve të Vettingut, rëndonte akuza e falsifikimit të formularëve, përderisa ai nuk deklaroi një dënim të marrë në Itali 20 vite më parë.
Thanza akuzohet se në San Guiliano Terme në bashkëpunim me dy persona të tjerë, E.A dhe A.Th me qëllim përfitimin material mori rroba dhe produkte kozmetike në supermarketin “Continente”.
