Si mund ta njohësh dikë që nuk e ke takuar kurrë? Aksidenti i ka tronditur jetën dhe i ka shkatërruar martesën. Xhojzi Konvei është gjallë falë një transfuzioni të gjakut. Por fenomene të çuditshme fillojnë të ngjasin. Ajo kujtohet për gjëra që nuk i ka jetuar. Mund të flasë me orë të tëra për rrugët dredhadredha me kalldrëm të Parisit, qytet që nuk
e ka vizituar kurrë, ose të trajtojë temën e arkitekturës baroke. Dhe netëve, ajo ëndërron për një vajzë të vogël flokëverdhë. Që atëherë, Xhojzi nuk ka veçse një qëllim: të zbulojë me çdo kusht kush ia ka dhuruar gjakun, me shpresën për të kuptuar atë që po i ndodh. Dhe të gjejë përsëri amerikanin e këndshëm që ka njohur ditën e daljes së saj nga spitali.
Një rrëfim i jashtëzakonshëm dhe mendjehollë i intimitetit, kujtesës dhe marrëdhënieve, nga autorja e librave bestseller.Si mund të njohësh dikë që nuk e ke takuar asnjëherë?
“Cecelia Ahern është mbretëresha e përrallave moderne”, shkruan Irish Times.
“Legjendarja Ahern të nxit kureshtjen të mësosh se çfarë i lidh këto dy histori. Klasike”, shkruan Company.
“Çelësi i suksesit të Ahernit është aftësia e saj jo vetëm për ta treguar bukur historinë, po për ta mbushur me të qeshura, lot dhe pak magji”, shkruan Mirror.
Skeda:
Titulli: Faleminderit për kujtimet
Origjinali: Thanks for the Memories
Gjinia: Roman
Autori: Cecelia Ahern
Shqipëroi: Artian Guskiqi
Shtëpia botuese: Bota Shqiptare
Viti: 2016 F. 376
