Këngëtarja me origjinë shqiptare, Rita Ora, mori pjesë në një event që i paraprin ndarjes së çmimeve MTV European Music Awards, në Londër.
Ora u tregua e rezervuar dhe nuk zbuloi asnjë nga surprizat e natës së madhe, të cilën vetë ajo do ta drejtojë.
“Sapo më propozuan prezantimin e MTV European Music Awards, unë thashë po menjëherë…sepse ishte në Londër, në Uembli, është si në shtëpinë time..Kemi ditë që bëjmë prova dhe do të ketë shumë surpriza. Jam shumë e kënaqur…do të performoj edhe këngën time të re “anywhere”. Do të jetë një natë e magjishme”, u shpreh Rita Ora.
