Organizata prestigjioze “Europa Nostra” ka reaguar përmes një deklaratë urgjente lidhur me vendimin e Këshillit Bashkiak për shembjen e godinës së Teatrit Kombëtar.
Në një postim në twitter, “Europa Nostra”, e cila e ka renditur Teatrin Kombëtar në listën e shtatë monumenteve më të rrezikuara që duhen mbrojtur në Europë, shkruan që godina duhet të mbrohet me ligj kombëtar dhe nga shoqëria.
We stand for Europe’s #culturalheritage. This is why we oppose the proposed illegal demolition of #NationalTheater in #Tirana, one of Europe’s #7MostEndangered sites.
The Theater is protected by national law & is strongly defended by civil society & experts
#EUValue #RuleofLaw pic.twitter.com/Tm7FW2ox19— Europa Nostra (@europanostra) May 14, 2020
“Kjo është arsyeja pse ne kundërshtojmë prishjen e paligjshme të propozuar të Teatrit Kombëtar në Tiranë, një nga 7 ndërtesat më të rrezikuara të Evropës.
Teatri mbrohet nga ligji kombëtar dhe mbrohet fuqimisht nga shoqëria civile dhe ekspertët.
Sundimi i ligjit të bazohet mbi vlerat e BE-së”-, shkruhet në faqen zyrtare në twitter të kësaj organizate, ku ndër të tjera përdoren hashtag si “vlerë europiane”, apo “sundimi i ligjit”.
Në listën e atyre që Europa Nostra u ka tërhequr vëmendjen duke u bërë tag janë disa institucione dhe personalitete europiane, prej të cilëve kërkohet reagim, mes të cilëve Davide Sassoli, President i Parlamentit Europian, Maryia Gabriell, Komisionerja europiane për Kulturën, Josep Borell, Përfaqësuesi i Lartë i Bashkimit Europian për Politikën e Jashtme, Luigi Soreca, ambasador i BE në Shqipëri.
