Media prestigjioze Euro News i kushton një artikull të detajuar çështjes për shembjen e Teatrit Kombëtar. Nga njëra anë artistë dhe qytetarë luftojnë për ta mbajtur gjallë si pjesë të trashëgimisë kulturore shqiptare, nga ana tjetër e gjithë kjo betejë trajtohet si histeri nga kryeministri Rama.
Artikulli i plotë:
Fati i Teatrit Kombëtar të Shqipërisë mbetet në këmbë ndërsa protestuesit vazhdojnë ruajtjen e tij.
Ata janë duke luftuar një betejë me qeverinë që ka nisur një përpjekje për të rrëzuar ndërtesën e vitit 1939 dhe për të ndërtuar një të re, së bashku me blloqet e kullave të banimit që do të zotërohen nga investitorët privatë.
Mosmarrëveshja për projektin e rindërtimit është shumë e politizuar.
Përfaqësuesi i Aleancës për Mbrojtjen e Teatrit, Kastriot Çipi është shumë i pakënaqur me procesin:
“Nuk ka pasur konsultime publike, askush nuk dëshiron të dijë për atë që ndjejnë artistët dhe qytetarët. Dhe kështu kjo është bërë një luftë për të mbrojtur dhe ruajtur demokracinë në këtë vend dhe për t’i thënë ndal aleancës së bizneseve dhe politikanëve të korruptuar”.
Protestuesit filluan ruajtjen e teatrit vitin e kaluar dhe ka vazhduar për muaj me protestë. Por muajin e kaluar autoritetet erdhën për të filluar heqjen e materialeve të brendshme, duke shkaktuar edhe pëërplasje me policinë që kishte ardhur për të penguar artistët në mbrojtje të teatrit.
Aktorët vullnetarë janë duke dhënë tre shfaqje në javë këtu për të mbledhur fonde për fushatën në mbrojtje të Teatrit Kombëtar.
Protestuesit thonë se kjo nuk ka të bëjë vetëm me mbrojtjen e ndërtesës fizike, por edhe për mbrojtjen e historisë së saj. Ky ishte vendi i parë ku u zhvilluan gjyqet komuniste, pasi Shqipëria u çlirua në vitin 1945.
Protestuesit gjithashtu thonë se toka publike shtesë që qeveria do do t’i japë kompanisë private të ndërtimit për të ndërtuar kulla banimi, shkelur të drejtat e njerëzve të Tiranës.
Taulanta Jupi, pedagoge në Universitetin e Tiranës është e bindur se po bëjnë gjënë e duhur:
“Ne po i përgjigjemi dhunës së tyre me artin tonë dhe kjo është porosia më e rëndësishme që teatri mund t’i japë politikës.”
Autoritetet thonë se teatri është shumë i nxehtë në verë dhe shumë i ftohtë në dimër-dhe shumë nga komuniteti artistik në Shqipëri që marrin fonde nga qeveria kanë kërkuar një teatër të ri.
Kryeministri shqiptar Edi Rama i tha EuroNeës se protesta është thjesht histeri dhe se i gjithë procesi është bërë si duhet përmes marrëveshjeve me BE:
Letrat janë hapur në të dy palët dhe përfundimisht perdja do të bjerë dhe fati i Teatrit Kombëtar të Shqipërisë do të vendoset.
