Mbrëmjen e së dielës, është luajtur, takimi i fundit i fazës çerekfinale, të UEFA EURO U21, që po zhvillohet në Rumani dhe Gjeorgji.
Dueli i mbrëmjes ishte ai mes kombëtareve U21 të Francës dhe Ukrainës, i luajtur në Cluj-Napoca.
Kjo sfidë, përfundoi me rezultatin, deri diku befasues, 3-1 për kombëtaren ukrainase, e cila eliminoi kështu nga ky turne, një nga ekipet favorite, për triumfin final.
Takimi nisi shumë mirë për Francezët, të cilët patën më shumë raste se kundërshtari në minutat e para të ndeshjes.
Sfida u zhbllokua në minutën e 19’, nga Cherki, i cili mposhti nga brenda zonës, portierin Trubin.
Ky gol dukej se do e bënte ndeshjen e “Gjelave” një ‘ecje në park’, megjithatë Ukraina, nuk u demoralizua duke e barazuar rezultatin në minutën e 32’, falë penalltisë së transformuar në gol nga Sudakov.
Kur pritej që pjesa e parë të mbyllej në barazim, përsëri Sudakov, shënoi golin e dytë për Ukrainën, duke e çuar skuadrën e tij në epërsi në fund të fraksionit të parë.
Në pjesën e dytë, Franca nuk kishte më asgjë për të humbur, duke u hedhur në sulm për golin e barazimit, gol të cilin e gjeti, por VAR i ngriu festën francezëve, duke parë që Wahi ishte në pozitë jashtë loje.
Me eliminimin pranë, francezët lanë hapësira mbrapa, të cilat në minutën e 86’, u shfrytëzuan në maksimum nga Ukraina. Bondarenko shënoi golin e tretë, me një Panenka delikate, e cila mbylli historinë e takimit.
Me këtë sukses, europianolindorët siguruan biletën e gjysmëfinales, ku do të përballen me Spanjën./m.b /gijotina.com
Mbrëmjen e së dielës, është luajtur, takimi i fundit i fazës çerekfinale, të UEFA EURO U21, që po zhvillohet në Rumani dhe Gjeorgji.
Dueli i mbrëmjes ishte ai mes kombëtareve U21 të Francës dhe Ukrainës, i luajtur në Cluj-Napoca.
Kjo sfidë, përfundoi me rezultatin, deri diku befasues, 3-1 për kombëtaren ukrainase, e cila eliminoi kështu nga ky turne, një nga ekipet favorite, për triumfin final.
Takimi nisi shumë mirë për Francezët, të cilët patën më shumë raste se kundërshtari në minutat e para të ndeshjes.
Sfida u zhbllokua në minutën e 19’, nga Cherki, i cili mposhti nga brenda zonës, portierin Trubin.
Ky gol dukej se do e bënte ndeshjen e “Gjelave” një ‘ecje në park’, megjithatë Ukraina, nuk u demoralizua duke e barazuar rezultatin në minutën e 32’, falë penalltisë së transformuar në gol nga Sudakov.
Kur pritej që pjesa e parë të mbyllej në barazim, përsëri Sudakov, shënoi golin e dytë për Ukrainën, duke e çuar skuadrën e tij në epërsi në fund të fraksionit të parë.
Në pjesën e dytë, Franca nuk kishte më asgjë për të humbur, duke u hedhur në sulm për golin e barazimit, gol të cilin e gjeti, por VAR i ngriu festën francezëve, duke parë që Wahi ishte në pozitë jashtë loje.
Me eliminimin pranë, francezët lanë hapësira mbrapa, të cilat në minutën e 86’, u shfrytëzuan në maksimum nga Ukraina. Bondarenko shënoi golin e tretë, me një Panenka delikate, e cila mbylli historinë e takimit.
Me këtë sukses, europianolindorët siguruan biletën e gjysmëfinales, ku do të përballen me Spanjën./m.b /gijotina.com
