“Malli” i Eugent Bushpepës tashmë ka videoklipin zyrtar. Shqipëria përfaqësohet në Eurovizion përmes një një kënge të konceptuar dhe të kënduar shqip. Eugenti që më herët ka lajmëruar se kjo këngë do të këndohet shqip, ndaj edhe në videoklipin zyrtar ka mbetur e tillë.
Elementë të veshjeve popullore tradicionale shqiptare ndërthurur me hapa drejt njeriut të dashur…ndërsa malli djeg. Kjo është atmosfera e një klipi të bukur e të thjeshtë që na kthen pas në kohë me ngjyrat e tij bardhezi.
Teksti i këngës i shkruar nga Bushpepa kur ishte larg Shqipërisë
Një pritje e gjatë
E ëmbël e zjarrtë
Ca hapa trokasin si zemër këtë natë
Unë ndjek ritmin e saj
Dy duar që zgjaten përpijnë në ngrohtësi
Ky mall që të djeg nuk njeh kufi as largësi
Asgjë në këtë botë nuk mund ta shprehë dot ndjesinë
Kur zemrat bashkohen dhe prapë rrahin si një
Dua të hesht në këtë natë i shtrirë në këtë shtrat
Ku ëndrrat hyjnore shërojnë çdo plage
Të shoh portretin e saj
Momentet kalojnë
Sekondat nuk falin
Orët pasojnë por ndjenjën s’e ndalin, jo
Si me magji hëna shikimet përpin
Më sjell vegimin tënd
REFREN
Lot i patharë ndriçoje këtë natë
Sonte kumbo prej shpirtit pa fjalë
Vetem nje çast dhimbja të më ndalë
Ky lot i patharë një ditë do shterojë
Nga puthjet e zjarrta që ëndërroi
Në atë çast dhimbja do ndalojë
E ëmbël kjo jetë por nuk njeh kufi
Herë na përkëdhel herë na krijon largësi
Ty të kam larg
Më bën të luftoj kur fuqitë kanë shteruar
Të ëndërroj edhe kur zgjuar jam
Si me magji hëna shikimet përpin
Sytë tanë puqen sërish edhe pse është fantazi
Jetën do ta fal ty
REFREN
Lot i patharë ndriçoje këtë natë
Sonte kumbo prej shpirtit pa fjalë
Vetem nje çast dhimbja të më ndalë
Ky lot i patharë një ditë do shterojë
Nga puthjet e zjarrta që ëndërroi
Në atë çast dhimbja do ndalojë
