Deputeti socialist: Ministria e Transporteve të heqë monopolin kompanisë së kontrollit teknik të automjeteve
Deputeti socialist Erjon Braçe është kundër propozimit për të vendsour automjeteve, targa me çip. Përmes një mesazhi në rrejtet sociale, Braçe argumenton se ky nuk është një prioritet për familjet shqiptare duke theksuar se ato çështje që janë prioritet nuk merren në konsiderate nga këto ministri. “Targat me cip” sjane hiç prioritet në shpenzimet familjare!! Kam dy javë që dëgjoj: Ka një propozim për “targat me çip” dhe ne po e shqyrtojme”!! Une e kuptoj seriozitetin e burokracisë në çdo rast; Po këta a kuptojnë se “targat me cip” dhe me atë kosto për qytetarin, nuk janë hiç prioritet për shpenzimet familjare?! Për më tepër kur është një “propozim i pa kërkuar”! shkruan Braçe.
Duke u shprehur kundër këtij propozimi, deputeti socilaist i kthehet problematikës në sektorin e kontrollit teknik, ose ndryshe, kolaudimit. Sipas Braçes kompania që ka marrë me konçesion këtë shërbim nuk ka përmirësuar asgjë ndërsa ajo që e bën përgjegjëse ministrinë e Transporteve është reagimi i munguar duke i lënë monopolin kësaj kompanie. “ Doni prioritet zotni? Liberalizimi i shërbimit të kontrollit teknik të automjeteve, ky po që është prioritet!! Pse pengohet? U bë gabim i tmerrshëm kur u lidh ajo kontrate, po bëhet gabim tani që ruhet monopoli me një shërbim që çdo periudhë piku, vit për vit, prodhon fjalinë që nuk vlen: Kompania të marrë masa!!”, shkruan Braçe.
Ministria e Transporteve ka deklaruar se është duke diskutuar një propozim për mundësinë e vendosjes së targave me çip.
