Teksa edhe pak orë na ndajnë nga ndërrimi i viteve, Kryetari i Bashkisë së Tiranës Erion Veliaj ka zgjedhur që t’i urojë qytetarët e Tiranës përmes një kartoline.
Veliaj thekson se Tirana do të vijojë traditën e krijuar këto dy vite duke punuar me përkushtim për të ndërtuar një të ardhme me të mirë për të gjithë banorët e qytetit.
“Viti 2017 solli ndryshime të thella nga qendra e Tiranës deri në lagjen ku jetojmë, nga vendet ku arsimohen e deri aty ku luajnë fëmijët tanë. Në një vit pune e përpjekjesh së bashku e bëmë më të mirë kryeqytetin tonë. Me dashuri do të ruajmë e respektojmë traditën dhe me përkushtim do të vijojmë punën për të ndërtuar të ardhmen për ju e familjen tuaj, për Tiranën që të gjithë ëndërrojmë, së bashku! Faleminderit për mbështetjen”, shkruan Veliaj.
