Në një kohë kur shumë familje në Tiranë po përballen me rritjen e çmimeve dhe kostot e larta të jetesës, Bashkia e Erion Veliajt gjen kohë për të bërë tender për mirëmbajtjen e softuerësh. Në datën 30 mars 2022, Bashkia Tiranë ka depozituar në Agjencinë e Prokurimeve Publike shpalljen e tenderit për mirëmbajtjen e softuerëve që i ka në përdorim dhe abonime të reja softuerësh. Kjo procedurë mban numrin e referencës REF-23576-03-30-2022 dhe ka fondin limit 6.647.616 lekë të reja, ose rreth 66 milionë lekë të vjetra pa TVSH.
Pra, Lali Eri do të çojë 66 milionë lekë të taksave të qytetarëve të Tiranës për mirëmbajtjen e kompjuterëve të Bashkisë, në një kohë kur qytetarët e tij po mendojnë se si të nxjerrin muajin për shkak të rritjes së çmimeve në vend. I kujtojmë Veliajt se Bashkia e tij trajton rreth 5000 mijë familje me ndihmë ekonomike që nuk shkon më shumë se 65 mijë lekë të vjetra, që nuk u dalin as për të paguar energjinë elektrike. Nëse do t’i kursente këto shpenzimet që mund të presin për një moment të dytë, si rasti i tenderit të mësipërm dhe 66 milionët që do të shpenzojë për mirëmbajtje softuerësh, t’i çonte për rritjen e ndihmës për këto familje deri në kapërcimin e krizës ku kemi hyrë, do ishte më e drejt.
Por Lali Eri ka ditur të na tregojë që parësore ka kompanitë e miqve t’u jap ndonjë tender, sesa shërbimin ndaj qytetarit. Këtë na e tregoi edhe raporti i para pak ditëve të sistemit më të madh të dhënave për koston dhe cilësinë e jetesës Numbeo, i cili e renditi Tiranën me cilësinë më të keqe për të jetuar në Europë. Gjithsesi, duke qenë se raportet dhe kritikat ndaj Bashkisë së Lali Erit bien në vesh të shurdhët, të shpresojmë që edhe këtë tender mos ta japë në shkelje të rregullave të prokurimit./ Marrë nga Gijotina.com
