“Benjamin Ferati të shpallet qytetar nderi në Vlorë si dhe plazhi ku u mbyt të marrë emrin e tij”, është kjo thirrja e Erion Kristos për Bashkinë e Vlorës.
Ai fton qytetarët të bashkohën dhe ta shpërndajnë këtë thirrje ndërsa shpreh nevojën urgjente të një plani masash për të parandaluar ngjarje të tilla.
“Thirrje Bashkisë Vlorë. Nisur nga ngjarja e rëndë ku humbën jetën disa njerez, duhet urgjentisht një plan masash për të parandaluar gjëma të tilla. Gjithashtu, Bashkia Vlorë ka detyrimin moral që të bëjë një falenderim për Benjaminin hero, duke e shpallur qytetar nderi. Madje, plazhi ku ndodhi ngjarja të marrë emrin e tij. Ju lutem gjithë njerëzve të bashkohen dhe ta shpërndajnë këtë thirrje“, ka shkruar Kristo.
