Eric Clapton nuk duket se po tërhiqet nga qëndrimi i tij kundër politikave të COVID-19.
Muzikanti legjendar 76-vjeçar, i cili më parë ka refuzuar të mbajë koncerte live për shkak të pandemisë, të Premten (27 gusht) publikoi këngën e re protestuese për vaksinat ndaj Covid “This has gotta stop”- “Kjo duhet të ndalojë!”.
“Kjo duhet të ndalojë, mjaft- mjaft/ nuk mund ta duroj më këtë/ Ka shkuar mjaft larg, ju doni të kërkoni shpirtin tim/ Ju do të duhet të vini dhe ta prishni këtë derë”,- këto janë vargjet e para të këngës së tij.
Në videoklipin e këngës gjithashtu jepen mesazhe të tilla si “Liberty”- “Liri”, “Enough is Enough”- “Mjaft është mjaft” dhe “Stop”. Gjithashtu, klipi përmban referenca, ku flet për ndryshimet në shoqëri, konsumimin e tepërt të lajmeve dhe shqetësimet për ndryshimet klimatike.
Kitaristi ikonik gjithashtu kishte frikë se ai “nuk do të këndonte më kurrë” pas problemeve shëndetësore që kishte pas dy dozave që ai kishte marrë të vaksinës AstraZeneca.
