Ministri i jashtëm i serbisë, Ivica Dacic, ka kënduar “Osman Aga”, në gjuhën turke në një darkë të shtruar në nder të Presidentit turk, Recep Tayyip Erdogan, në Shtëpinë e Gardës.
Ndërkohë diçka e tillë nuk iu ka pëlqyer mediave në vend, “Kurir”, gazeta më e madhe në vend shkruan: “Ministri ynë i jashtëm nuk mund të dijë gjuhën angleze, por ai di të këndojë në turqisht! Gjatë një darke gala në nder të presidentit turk Rexhep Erdogan në Shtëpinë e Gardës, ministri i jashtëm serb Ivica Daçiç e rimori përsëri mikrofonin.”
Ministri serb merr duartrokitjet e të pranishmëve dhe mbi të gjitha të Presidentit Erdogan ndërsa Presidenti Serbisë nuk mban dot të qeshurën.
Erdogan takoi homologun e tij serb, Vucic, me të cilin shprehu se Truqia do të rrisë investimet në Serbi dhe do të zgjerojnë marrëdhëniet tregtare mes dy vendeve.
