Për shkak te erës se fortë dhe temperaturave te larta, vijon të jetë ende aktiv zjarri në zonën Skuraj – Mali i Bardhë, në Njësinë Administrative Milot te Bashkisë Kurbin. Zjarri ka marrë një përhapje mjaft të gjerë dhe terreni është mjaft i thyer ku nuk mund të ndërhyhet nga toka nëpërmjet zjarrfikëseve.
Sot ka filluar një operacion i gjerë, për eliminimin e vatrës se zjarrit, nën drejtimin e Prefektit të Lezhës. Operacioni ka nisur rreth orës 06:30 te mëngjesit. Përveç punëtorëve të Bashkisë Kurbin, në mbështetje të aksionit kanë ardhur 50 pjesëtarë të Forcave të Armatosura, si dhe një helikopter.
