Gazetari Enkel Demi i ftuar në studion e emisionit “A Show” duke komentuar zgjedhjet e së dielës tha se Rama mund të jetë një artist dhe shkrimtar shumë i mirë, por si kryeministër është shumë i rrezikshëm.
“Qytetarët e refuzuan Ramën dhe kjo u reflektua dhe në mimikën e zërin e tij, nuk e fshehte dot mërinë, por djerësitej dhe nuk e kontrollonte dot, ishte shprehje e nervozizmit. Dje kishte nevojë për duartrokitje, e kuptonte që tetari që po luhej ishte jashtë realitetit, dje e dinte të vërtetën.”-tha Demi.
Ai shtoi më tej se ndryshe nga herët e tjera, Rama nuk kërcënoi më opozitën, por të vetët dhe se sa më shumë t’i vonojë zgjedhjet e parakohshme, aq më thellë do të humbë.
Përsa i përket gjyqit ndaj çështjes “Beccheti”, Demi tha se do paguhet nga taksat e shqiptarëve, ndërsa për rastin e “Bild” tha se nuk e sheh si paralelizëm, por se avokati është shumë i shtrenjtë dhe nëse PS e paguan duhet të na e sqarojë burimin e parave, pasi është gjobë e një partie më të madhe në vend.
