Dy persona kanë rënë në prangat e policisë së Tiranës për kultivim të lëndëve narkotike. Mësohet se në pranga kanë rënë babë e bir, Zhak Musa e Flavio Musa. Është proceduar në gjendje të lirë djali tjetër, 16-vjeçari M.M. Gjatë operacionit, janë sekuestruar bimë narkotike, krehër dhe municion luftarak.
“Sekuestrohen lëndë dhe bimë të dyshuara narkotike cannabis sativa, qese që shërbejnë për ndarjen e lëndës narkotike në doza, krehër dhe municion luftarak.
Vihen në pranga babë e bir, procedohet penalisht në gjendje të lirë djali tjetër. Shërbimet e Komisariatit të Policisë Nr. 6, në vijim të punës për goditjen e paligjshmërisë, bazuar dhe në informacionet e marra në rrugë operative, organizuan dhe finalizuan me sukses operacionin policor të koduar “Processing”.
Si rezultat i këtij operacioni u bë arrestimi në flagrancë i shtetasve:
– Zh. M., 47 vjeç dhe F. M., 21 vjeç (babë e bir), për veprat penale “Prodhimi dhe shitja e narkotikëve”, “Kultivimi i bimëve narkotike” dhe “Mbajtja pa leje dhe prodhimi i armëve, armëve shpërthyese dhe i municionit”, kryer në bashkëpunim.
Gjithashtu, u procedua penalisht në gjendje të lirë djali tjetër, shtetasi M. M., 16 vjeç.”-njofton policia.
