Tre shqiptarë, Engjell Osmanaj, 29 vjeç, Anjelos Selamaj, 22 vjeç dhe Alban Topi, 29 vjeç, u paraqitën në Gjykatën e Truro Crown ku morën dënimin, pasi u deklaruan fajtorë për prodhimin e kanabisit. Ata u kapën në një fermë kanabisi në Kornsh dhe u dënuan përkatësisht Osmanaj me 40 muaj burg, Selamaj 20 muaj burg dhe Topi 16 muaj burg.
Duke ndjekur çështjen, Nicholas Lewin përshkroi se si në Bodmin në janar të këtij viti u ekzekutua një urdhër policie në Fore Street në ndërtesën e madhe që përfshin katër kate. Policia hasi në dyer të përforcuara që ishin të mbyllura nga brenda.
Kur ata u futën në ndërtesë, të pandehurit u gjetën të fshehur dhe duke u përpjekur të arratiseshin. Brenda, u gjetën më shumë se 850 bimë u gjetën me vlerë 537,000 £. Burrat pretendohet se mbaheshin atje me zor, jo prej dëshirës së tyre. Lewin tha se Topi dhe Selemaj ishin “kopshtarë”, ku Osmanaj kishte një rol më të avancuar.
Duke përfaqësuar Osmanajn, Ramsay Quaife tha: Ai e përshkruan veten si ndërmjetësi i Kornishit dhe kryekopshtari i operacionit. Ai nuk ka asnjë dënim të mëparshëm dhe bëri çmos për t’u dërguar para në shtëpi prindërve dhe motrës së tij në Shqipëri.
Duke përfaqësuar Selamajn dhe Topin, Jon Holmes tha: Të dy erdhën këtu për një jetë më të mirë dhe përfunduan në burg. Z. Topi konsiderohet si viktimë e skllavërisë moderne dhe të dy e kanë përdorur kohën e tyre në burg për të përmirësuar veten. Ata kanë punuar në mjedisin e burgut dhe kanë mësuar anglisht. Selamaj ka treguar se dëshiron të kthehet në Shqipëri kur të lirohet.
Në fund, Osmanaj u dënua për 40 muaj, Selamaj 20 muaj dhe Topi 16 muaj./cornwalllive.com
