Finalizohet operacioni “Blue Marine”. 25 persona kanë përfunduar në prangat e Policisë italiane pas hetimeve të drejtuara nga prokurori Stefano Gallo. Avokatët tani kanë njëzet ditë për të paraqitur dokumentet e tyre, në mbrojtje të klientëve të tyre.
Mediat italiane kanë bërë me dije edhe emrat e të prangosurve: Dritan Mici nga Shkodra, 48 vjeç; Rodolphe Pinto me origjinë francize; Angelo Maiolo di Vivo Valencia, 38 vjeç; Brigeno Binoshaj, 29 vjeç me origjinë shqiptare; Gracjano Binoshaj, 24 vjeç; Gazmir Cana; Ferdinando De Rosa; Luigi Di Iorio nga Termoli 43 vjeç; Simone Di Napoli, nga Messina, 34 vjeç; Enrik Gjinaj, 25 vjeç; Gazmir Kalaci nga Shkodra, 48 vjeç; Albert, Mateo dhe Jozef Mici; Greta Ndoja, 46 vjeç; Nicola Papaleo; Roki Prela; Alessandro Ronzullo; Giovanni Sallustio; Vladimir Solkoli, 44 vjeç nga Shqipëria; Valter Sparvieri, Molise 48 vjeç; Ionela Tudoran, 34 vjeç rumun; Elvis Vasiu 32 vjeç dhe Armando Ymeraj.
Grupi akuzohet për një sërë grabitjesh në zonë, por kanë lënë shenja të mjaftueshme duke hyrë në një banesë për të grabitur më shumë se 50 mijë euro dhe flori. Pronarët, një çift gjerman që ishin zhvendosur prej disa kohësh në bregdetin Mandurian, po darkonin me miqtë në një restorant. Por kur u kthyen në banesë, panë derën e përparme të hapur dhe shtëpinë bosh. Ndërkohë që hetimet vazhdojnë, të arrestuarit do të dalin në gjyq më 15 korrik.
