Presidenti i Francës, Emmanuel Macron, ka deklaruar këtë të enjten se Shengeni duhet të rishikojë dhe një herë numrin e vendeve, pasi sipas tij disa vende duhen përjashtuar prej tij.
“Marrëveshja e famshme e Shengenit… nuk po funksionon më … Evropa [që unë besoj] i mban kufijtë e saj, i mbron ata, në këtë Evropë ekziston një e drejtë e arsyeshme për statusin e refugjatit … dhe mbi këtë bazë është e nevojshme për të reformuar zonën e Shengenit “, tha Macron në një konferencë për shtyp.
Nuk është hera e parë që Presidenti francez ndau pikëpamjet e tij mbi marrëveshjen e Shengenit.
Më herët ai ka deklaruar: “Duhet të rishikojmë zonën e Shengenit: të gjithë ata që duan të jenë pjesë e saj duhet të përmbushin detyrimet e përgjegjësisë (kontrollet e rrepta kufitare) dhe solidaritetin (një politikë e azilit me të njëjtat rregulla pranime dhe refuzime).
Që nga viti 2015, Evropa po përjeton krizën më të keqe të emigracionit në historinë e kohëve të fundit, duke luftuar për të strehuar qindra mijëra refugjatë që iknin nga vendet e Lindjes së Mesme dhe në Afrikën e Veriut.
