Një video që të ngjall emocione të shumta e sekondat duken shekuj, ndërsa një foshnjë qëndron i varur në ballkonin e një pallati. Dhe një hero që ka fituar admirimin e të gjithë botës…
Një emigrant nga Mali është heroi i ditës në Francë pasi ngjiti pas asnjë lloj mbrojtje katër kate të një ndërtese të Parisit për të shpëtuar një fëmijë që ishte duke rënë nga ballkoni.
Mamoudou Gassama, 22-vjeçar është kacavjerrë nga një ballkon në tjetrin pa pushuar asnjë cast duke arritur të shpëtojë jetën e vogëlushit.
Ai nuk u mendua gjatë, por nisi menjëherë të ngjitej, edhe pse ishte shumë e rrezikshme. I pyetur se çfarë e shtyu të vepronte ashtu, u përgjigj: “Ishte një fëmijë atje lart, nuk mund ta lija, duhet ta shpëtoja.”
Presidenti Macron e ka ftuar 22-vjeçarin në Pallatin Elize për ta falenderuar personalisht. Falenderime i përcolli më herët edhe kryetarja e Bashkisë së Parisit Anne Hidalgo, e cila tha se Mamoudou kishte mbërritur nga Mali disa muaj me pare me shpresën e një jete më të mirë në Francë. Qyteti i Parisit, shtoi ajo, do te jete padyshim i prirur që ta ndihmojë në përpjekjet e tij. Raportet në mediat franceze tregojnë se prindërit e fëmijës nuk ishin në shtëpi kur ndodhi incidenti.
