Një diamant shkëlqyes dhe Eliza Dushu s’i ka thënë jo. Kështu aktorja shqiptare zyrtarizon lidhjen e saj duke u fejuar me biznesmenin 53-vjeçar, Peter Palandjian.
Lajmi është bërë i ditur nga vetë aktorja e cila ka postuar një fotografi në rrjetin social Instagram së bashku me njeriun që i ka falur një nga momentet më të bukura të jetës së saj.
“Absolutisht po dashuria ime”, ka shkruar Eliza në përshkrimin e fotografisë ndërsa e veshur me një fustan me lule ishte kapur përdore me Peter Palandjian, ku të dy buzëqeshnin nga habia e Elizës.
Por e Eliza në këtë moment kaq të rëndësishëm e të lumtur për të nuk ka lënë pa kujtuar edhe Shqipërinë, në përshkrimin e fotos mes figurave që shprehnin emocionin e çastit aktorja ka zgjedhur edhe flamurin e Shqipërisë.
