Në pranga poseduesi i lëndëve plasëse Gani Xhaja
Specialistët e antikrimit në Drejtorinë e Policisë së Elbasanit kanë sekuestruar në një operacion 3 kg lëndë plasëse tip tritol dhe 100 kapsolla detonatorë. Lënda plasëse e kapur ka qenë e futur në shishe plastike. Sipas një njoftimi për shtyp, në të njëjtin operacion është bërë dhe arrestimi i poseduesit të lëndëve në fjalë, shtetasi Gani Xhaja.
Sipas njoftimit, operacioni i uniformave blu është kryer pas informacioneve të mbledhura në rrugë operative, se në banesën e Xhajës ndodheshin materialet shpërthyese. Ndërkohë, materialet i kanë kaluar prokurorisë për procedimin e mëtejshëm të 55-vjeçarit, nën akuzat e “trafikimit të lëndëve plasëse” dhe “mbajtje pa leje të armëve luftarake”.
