Një aksident ka ndodhur ditën e sotme në aksin Elbasan-Librazhd, ku një furgon është përplasur me një mjet tjetër dhe për pasojë janë plagosur gjashtë persona.
Bëhet me dije se nga aksidenti kanë mbetur të plagosur dy drejtuesit e mjeteve dhe katër pasagjerë të furgonit, mes tyre dy fëmijë, 4 dhe 9 vjeç.
Në spitalin Kirurgjik të Elbasanit ndodhen dy drejtuesit e mjeteve dhe shtetasit, D.P., 60 vjeçe, K.P., 69 vjeç, V.P., 4 vjeç dhe O.P., 9 vjeç, të cilët fatmirësisht ndodhen jashtë rrezikut për jetën.
Policia ndodhet në vendngjarje dhe po punon për zbardhjen e plotë të aksidentit.
