Një 68-vjeçar ka humbur jetën në spital, pasi u përplas nga një automjet, teksa po udhëtontë me biçikletë . Policia vuri në pranga drejtuesin e mjetit 43 vjeçarin Sokol Hysa.
“Specialistët e Sektorit të Qarkullimit Rrugor, në Komisariatin e Policisë Elbasan bënë arrestimin në flagrancë të shtetasit Sokol Hysa, 43 vjeç banues në Bels. Arrestimi i tij, u bë pasi duke drejtuar mjetin me targa AA 633 PU në aksin rrugor Elbasan – Cërrik në fshatin Gjergjan është përplasur me biçiklistin shtetasin H.H, 68 vjeç banues në fshatin Thanë Elbasan. Shtetasi H.H, pasi ka marrë ndihmën mjekësore në Spitalin e Elbasanit është dërguar në Tiranë dhe më pas ka gjetur vdekjen”,sqaron policia.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkelja e Rregullave të Qarkullimit Rrugor” parashikuar nga neni 290 i Kodit Penal.
