Në prag të festës së Pashkëve, në Elbasan janë legalizuar 10 objekte kulti të Kishës Ortodokse.
I pranishëm në ceremoninë e dhënies së certifikatës së pronësisë, ishte deputeti socialist i qarkut të Elbasanit Taulant Balla i cili vlerësoi se objektet e legalizuara fetare shërbejnë edhe si kopshte për fëmijët e zonave ku ndodhen.
“Kisha që shikoni jo vetëm që është një objekt i besimit, por gjatë ditës mirëpret fëmijët si një kopësht ku ata marrin dijet e para për jetën. Ne kemi shumë për të mësuar nga qetësia nga virtyti dhe cdo mesazh tjetër qe jep kisha autoqefale shqiptare”, tha Balla.
Balla shtoi se legalizimi i kishave është bërë edhe në kuadrin e një institucionalizimi të mirë të objekteve të kultit.
