Një konflikt me armë zjarri ka ndodhur në një lokal në fshatin Bradashesh të Elbasanit, ku si pasojë tre persona kanë mbetur të plagosur.
Nga konflikti 3 persona kanë marrë plagë në trup, 2 prej të cilëve me armë zjarri dhe njëri me sende të forta.
Ata janë identifikuar me inicialet K.Gj, A.Gj dhe H.C dhe janë dërguar në spitalin rajonal të Elbasanit për të marrë ndihmën e duhur. Mësohet se të tre ata janë jashtë rrezikut për jetën.
Dyshohet që konflikti të ketë lindur mes shtetasve H.C dhe A.Gj, i cili bashkë me familjarin e tij rezulton rezident në Angli.
Policia ka nisur hetimet për zbardhjen e rrethanave të ngjarjes.
