Një biznesmen nga Elbasani është dhunuar nga persona ende të paidentifikuar, duke pësuar dëmtime fizike.
Bëhet me dije se ngjarja ka ndodhur mëngjesin e sotëm teksa Ylli Salla ndodhej në biznesin e tij në Fushë-Labinot.
Raportohet se disa persona kanë shkuar në biznesin e tij, dhe pasi e kanë goditur me levë në kokë, janë larguar duke e lënë pa ndjenja.
Biznesmeni është dërguar në spitalin kirurgjik të Elbasanit, pasi ka një plagë në kokë si pasojë e goditjes me mjet të fortë.
Policia e Elbasanit ka mbërritur në vendngjarje dhe ka nisur hetimet.
