Sekretari i Përgjithshëm i PS, Taulant Balla paralajmëroi opozitën dhe mbështetësit e saj me burg nëse do të tentojnë të pengojnë zgjedhësit të shkojnë në votim apo të dëmtojnë qendrat e votimit.
Nga Elbasani, Balla u shpreh se PS në zgjedhjet vendore do të fitojë edhe ato bashki, të cilat deri më sot janë qeverisur nga PD dhe LSI, duke e cilësuar si opozitë pa alternativë. Edhe për mungesën e votës së emigrantëve PS ka bërë fajtore PD.
Gjithashtu drejtuesit e PS ju kanë dhënë porosi strukturave që të ketë një komunikim korrekt dhe të vazhdueshëm me mediat si dhe në Portalin “Bashkitë që Duam”.
