Rreth orës 1:20 të mesnatës një person ka mbetur i plagosur si pasojë e goditjes me armë zjarri.
Mësohet se bëhet fjalë për 23-vjeçarin Kei Piu (Piku), i cili ka qenë duke udhëtuar me mjetin e tij tip foristrade AA 767 XO.
Dyshohet se 23 vjecari ka pasur një debat përpara se të qëllohej. Aktualisht ndodhet në reanimacionin e spitalit të Elbasanit i plagosur rëndë pasi ka marrë tre plumba në trup.
Njoftimi i policisë:
“Rreth orës 01:15, në lagjen “Luigj Gurakuqi”, Elbasan, është qëlluar me armë zjarri në drejtim të shtetasit K. P., 23 vjeç, banues në Elbasan, i cili si pasojë është plagosur dhe ndodhet jashtë rrezikut për jetën.
Grupi hetimor vijon punën për zbardhjen dhe sqarimin e rrethanave të ngjarjes, identifikimin dhe kapjen e autorëve.
Njëkohësisht vijon administrimi i çdo prove sado të vlefshme që çon në zbardhjen e ngjarjes.
Shërbimet e Policisë kanë shoqëruar disa persona për sqarimin e rrethanave të ngjarjes.
Vijon krehja e zonës dhe nga veprimet e para hetimore ka rezultuar se nuk ka pasur shkëmbim me armë zjarri mes palëve”.
