E përditshmja spanjolle “El Mundo Deportivo” ka publikuar lajmin se Cristiano Ronaldo do të jetë ai që do të ngrejë trofeun e “Topit të Artë”, që këtë vit akordohet vetëm nga “France Football”.
Ronaldo ishte padyshim favoriti kryesor për të fituar për shkak të triumfeve në Ligën e Kampioneve dhe në Europianin e Francës. Për Cristiano Ronaldon kjo do të jetë hera e katërt që fiton “Topin e Artë” pas atyre në vitet 2008, 2013 dhe 2014.
Sipas “El Mundo Deportivo”, përveç lajmërimit të triumfit të Ronaldos do të mësohet edhe podiumi, ku në vendin e dytë do të renditet Lionel Messi.
Verdikti do të zyrtarizohet në 12 dhjetor nëpërmjet një komunikate në rrjetet sociale të “France Football”.
