Një bos me emër i krimit në Malin e Zi është vrarë pasi është qëlluar për vdekje nga një snajper në ambientet e brendshme të një burgu të sigurisë së lartë.
Lajmin e bëjnë të ditur mediat lokale, sipas të cilave ngjarja ka ndodhur ditët e fundit, duke rënduar edhe më tej një luftë të përgjakshme mes bandave që ka përfshirë vendin e vogël ballkanas.
Dalibor Djuriç, një eksponent i rëndësishëm i klanit Skaralji, aktiv në qytetin turistik të Kotorit, u qëllua në gjoks gjatë orarit të ajrimit në burgun Spuz, të Podgoricës.
Vdekja e Djuriç është më e fundit e një serie vrasjesh që kanë përgjakur Kotorin, mes klaneve Skaralji dhe Kavaç, të cilat u kanë marrë jetë të paktën 5 personave të tjerë.
