Një vrasje brutale ka ndodhur në Chrysoupolis Kavallë në të gdhirë. Viktimë ka mbetur një 52-vjeçar.
Sipas informacioneve të protothema.gr, persona të panjohur i kishin ngritur kurthin e vdekjes 52-vjeçarit jashtë fabrikës së mermerit ku ai punonte.
52-vjeçari si çdo mëngjesi ishte nisur për në punë dhe në momentin që ka zbritur nga makina është përballur me breshërinë e plumbave të cilët rezultuan fatalë. Mësohet se viktima ishte baba i dy fëmijëve.
Identiteti i tij nuk bëhet ende i ditur nga mediet greke. Policia ka rrethuar zonën dhe vendin ku u vra biznesmeni dhe ka nisur hetimet për identifikimin e autorit/autorëve dhe zbardhjen e rrethanave në të cilat ndodhi ngjarja.
