Kapet dhe ekstradohet nga Danimarka 27-vjeçari, K.S. nga Shkodra, i dyshuar për vrasjen Nard Polisë.
Shtetasi K. S. alias K. M. ishte shpallur në kërkim ndërkombëtar nga Interpol Tirana, pasi Gjykata e Rrethit Gjyqësor Shkodër, më datë 27.03.2019, ka caktuar masën e sigurisë “Arrest në burg”, për veprën penale “Vrasje me dashje, në bashkëpunim”.
Shtetasi K. S. është autori i dyshuar i ngjarjes së ndodhur më datë 20.03.2019, ku në vendin e quajtur kryqëzimi i fshatit Grudë, Njësia Administrative Rrethina, Shkodër, është vrarë me armë zjarri në automjetin sipërmarrësi Nard Polia.
