Pandemia prej disa muajsh ka izoluar të gjitha vendet në botë. Javët e fundit shumë shtete kanë filluar të lehtësojnë masat, por i druhen rikthimit të një vale të dytë në vjeshtë.
Në një intervistë presidenti i Këshillit të Lartë të Shëndetësisë në Itali, Franco Locatelli tha se edhe nëse kemi një valë të dytë, nuk do të jetë më e fortë se e para.
“Nëse do të ketë një valë të dytë nuk duhet të na gjejë të papërgatitur. Edhe nëse do të ketë një valë të dytë, nuk do të jetë më e fortë se e para,” është shprehur Locatelli.
Sakaq, ai ka këshilluar të gjithë qytetarët që të jenë të kujdesshëm me higjenën dhe të përdorin masak dhe doreza në vende publike.
Kujtojmë që deri më tani në rang global 419,842 persona kanë humbur jetën nga koronavirusi, ndërsa 7,497,062 persona janë të infektuar.
