Thomas R. Frieden, mjek i sëmundjeve infektive dhe ish-drejtori i Qendrës Amerikane për Kontrollin dhe Parandalimin e Sëmundjeve, u shpreh për mediat se “njerëzit mund të jenë të prekur nga koronavirusi edhe nëse nuk kanë simptoma”. Ai përfshiu këtu edhe fëmijët, te të cilët shkalla e prekjes nga Covid-19 është pothuajse e papërfillshme.
Koronavirusi: Rreziku sipas grupmoshave
“Përhapja e virusit në më shumë se 89,000 njerëz në të gjithë botën ka qenë një situatë e jashtëzakonshme,” tha ai. “Asnjëherë më parë nuk kemi parë që një patogjen të ketë një përhapje të tillë globale.” Frieden sqaroi se mund të jetë e mundur që njerëzit, përfshirë këtu edhe fëmijët, të jenë bartës të fshehtë të virusit, edhe nëse nuk kanë simptoma.
Grip, ftohje apo koronavirus? Ku qëndron ndryshimi?
Ai përmendi rastin e një 10-vjeçari, i cili ishte i pranishëm në epiqendrën e shpërthimit të koronavirusit, Wuhan, Kinë. 10-vjeçari nuk shfaqi asnjë simptomë të virusit, por kur prindërit këmbëngulën që mjekët t’i bënin testin, rezultoi pozitiv.
“Fakti që fëmijët mund të infektohen, por nuk shfaqin simptoma, paraqet një sfidë për mjekët pediatër,” tha ai.
Kjo është vera e fundit për Ramën dhe Ballukun –
Kreu i Partisë Demokratike, Sali Berisha ka uruar qytetarët shqiptarë për Ditën e Verës nga Elbasani, kryeqendrën e kësaj feste....
